بكرا العيـــــــد .... مش معنى كدا  اني فرحانه عشان  بكرا أجازة ولا  حاجه من دي خالص ..لا لا.... بكرا العيد ودا معناه ان طنط وعمو وأسماء جايين بكرا عشان دول اول ناس بيزورونا ويقولولنا كل سنه وانتوا  طيبين

بكرا العيد ...دا معناه اني بنام وانا  حاطه جنبي العباية الي اشتريتها عشان انزل اصلي  صلاة العيد  مع اسماء..وبعدها احضر طقم العيد الي جبناه سوا بس بلونين مختلفين عشان ننزل نلعب تحت سوا ونخرج بعد ما ملينا  شنطنا الصغنونه بالعيديه من بابا وعمو ..ورق جديد وبيلمع  ياااااا سلام .... وبعد ما  اتهد حيلنا طول اليوم برا , نطلع البيت عشان نستريح ونتعشى وتبدا المؤامرة....أنا واخواتي واسماء واخواتها قاعدين على الترابيزة بندبر الخطة لأهم حادث في حياتنا 

وبعد ما الكل يتشاور ونقرر نبدأ التنفيــــذ

داخلين على بابا وعمو في الصالون واحنا متحفزين وبنزق بعض مين فينا يدخل الاول ويتصدر  القعدة... عمو وبابا بيضحكوا  طول عمرهم كانو هارشين الحوار ومع ذلك  عمرهم محسسونا انهم  عارفين ولا احنا عمرنا  فهمنا

عايزين ايه يا عيال ؟؟ دخلتكم دي بربطة المعلم وراها حاجة اكيد ..قولوا قولوا ..

عايزين نروح دبي (حديقة الصفا بالذات ) او نروح العين  وياريت الهيلي

 عشان خاطري  يا بابا وعشان خاطري  يا عمو وبوسة من هنا على ضحكة من هنا ونسمع الموافقة وضحكات الانتصار تملى البيت طبعا ... وماما وطنط يعرفو الرد من وهما  قاعدين  جوا من صوتنا  بس  ويبداو  يحضروا  هيعملو ايه  غدا  ونحتاج ايه في  الخروجه ويقسموها 

في الناحيه التانيه  نكون احنا  قاعدين نخطط عشان نحضر اللعبه الفلانيه والكوتشينة والكورة  والمضارب وكل حاجه عشان  بكرا  واكيد  منامش من كتر فرحتنا مستنيين الفجر يطلع  عشان نبدا اليوم

وكان لازم  في نص الطريق نريح شوية عشان نبدل السيارات  يا إما  انا اروح اركب مع سياره عمو يا إما اسماء  تيجي معانا... يعدي اليوم واحنا طايرين من الفرح ونرجع البيت مالكين الدنيا في ايدينا 

******

دلوقتي  مبقاش في دبي  عشان مبقاش في عيد...ومبقاش في عيد عشان مبقاش في  طنط وعمو واسماء

وهما مبقوش موجودين عشان راحو مصر ..واحنا مش بنتقابل في مصر  عشان هما في القاهره واحنا في اسكندرية ..واحنا  خلينا المحافظتين بعاد اوي عن بعض عشان المسافه جوانا  بعدت 

والمسافه بعدت عشان احنا محاولناش نقربها ..واحنا محاولناش  نقربها عشان محسناش انها بعدت ومحسناش ببعدها عشان مبقيناش حاسين بحلاوة قربها 

وحلاوة قربها راحت عشان الناس اتغيرت ولما الناس اتغيرت ..دبي والعين اتغير موقعهم عالخريطه وبقوا  ابعد من الناس دي نفسها 

وانا نسيت العيد ونسيت الهدوم الجديده ونسيت صلاة الصبح في المسجد معاهم ونسيت نفسي وسط كل حاجة بس لسه فاكرة حاجه وحيدة 

إني لو ركبت معاهم السيارة دلوقتي هلاقي حد جديد جوا ..لابس دبلة مكتوب عليها اسماء في إيده اليمين  وساعتها اكيد  هضطر انزل من العربية ويقعد هوا مكاني ..وارجع تاني لعربية بابا

بس مش عارفه ليه  حاسه إنو هيكون مشي بيها قبل ما أوصله واركب        

الشــارع دا أوله دكاكين وآخره حارة ســد

ليا فيه قصة غـرام محكتش عنها لأي حد

من طرف واحد وكـنت سعــيد أوي

 بس حراس الشوارع حطوا للحدوته حـد

مبسوطه اوي اني باخد جزء من وقتكم  عشان تقرأوا اي حاجه تكون مرت في بالي وكتبتها

بس  هبقى مبسوطه اكتر  لو عرفت مين كمان الي اخد من وقته اكتر ورد عليا 

يعني بتوصلني تعليقات من ناس  ومبعرفش مين هما خالص لان مفيش طريقه اوصل بيها

رجاء وامنيه انكم  تكتبولي حاجه تعرفني بيكم .. لو سمحتم  اتمنى بجد دا  يحصل..شكرا

لا تــخـاف من الزمان 

الزمان ماله أمان

خـاف من الي كل أمانك في إيديه وتأمنه

لا تعذر باحتياجك

كلنا ناقص حنان

كلنا طفل يتمنى اي شخص يحضنه

نبني الدنيا وحنا نوقف بنفس المكان

للاسف ينقص وفانا

مع مرور الأزمنة 

نكتشف مر الحقيقه بعد ما يفوت الأوان

قلتلك لا تندفع لا

قلت حبي صاينه

وينه الي صان حبك

ما اشوفه يوم بان

قلبك الي هوا قلبك لا تحسبك ضامنه

بجد  بقى الموضوع سخف اوي ..نا امعرفتش استحمل اكتر من كدا..ماشي كل يوم قاعدين نشوف قتل وتهديد وضحايا بجد مالهمش اي ذنب في الحوار دا كلو وبرده لا بناخدر د فعل ولا بنعمل حاجه ولا حتى قادرين نقول لا ..ايه البرود والجبن الي احنا بقينا فيه دا ..مش معقول ولا طبيعي...امال ايه النخوة العربية والشهامة والمروءة والنجدة الي كانوا قاعدين يحفظوهالنا من صفات العربي المسلم من اول ما دخلنا لمدرسة؟؟....طلع كلو كلام في الهوا يا رجالة ودا شئ فاقعني وهيموتني بجد.

بس بجد بقى كلو كوم وخبر سحب الرئيس الفنزويلي لسفيره من تل أبيب كوم تاااااااااااني  

انتوا شايفين يا جماعه الي بيحصل؟ واخدين بالكم ولا ايه ؟ فنزويلا بحالها سحبت سفيرها من إسرائيل بكل بساطة كرد فعل أبسط لسخطها وغضبها ورفضها للي بتعمله اسرائيل في لبنان وغزة ..بالله عليكم دا كلام؟

بكل هدوء أعلن الرئيس الفنزويلي هوجو شافيز :- [ امرت بسحب سفيرنا في اسرائيل ]

واضاف قائلا انه اتخذ هذه الخطوة تعبيرا عن " سخطنا ونحن نرى كيف ان دولة اسرائيل تواصل القصف والقتل والتنكيل".

بصوا هوا عالاقل عمل ايه؟ المتخلف مننا هيقول خير يا طير يعني هيا الحرب وقفت لما سحب سفيره؟ بس دا طبعا غبااااء محكم وقلة حيلة متناهية ..لو بصينا هنلاقي انه عمل بقول الرسول - صلى الله عليه وسلم- " من راى منكم منكرا فليغيره بيده فإان لم يستطع فبلسانه فإن لم يستطع فبقلبه وذلك أضعف الايمان "  وهوا لا مسلم ولا بتاع ..لكن دا رد فعل منطقي ( لإنسان ) شايف ظلم ومظلومين كتير وابرياء اكتر , وعمل اقصى ما تمليه عليه انسانيته ومنصبه كرئيس دولة ..الدور والباقي علينا احنا ياعرب ...بالله عليكم ايه الي عملنا؟ حتى اضعف الايمان بقى كتير مننا مش بيعمله ولا بيحس بيه ..احنا نمنا كدا ليه يا بشر؟؟ بجد برج من نفوخي هيطير . والله الموضوع زاد عن حده اوي

يااااارب تنصر العرب والاسلام والمسلمين في كل مكان...وتثبت قلوبنا على ايمانك,لان الايمان دا لما هيتثبت  ونحسه صح هنغير حاجات كتير اوي لازم كانت تتغير من زمان

** ملحوظة أخيرة حابة اضيفها واللي عنده مخ بس هوا الي هيعرف يفهم **

{ فنزويلا هي خامس اكبر مصدري النفط في العالم .واحد كبار موردي المواد الخام الى الولايات المتحدة الامريكية }

الموضوع دا منقول برده يا جماعه  بس لما قراته  حسيت ببساطته اووي بس كمان لقيته  بيكلم حاجه جوايا وجوانا كلنا ...حاجات يمكن كلنا عارفين اننا بنلمسها بس مفكرناش نخليها جزء اساسي من حياتنا  نتعامل معاه  ونلمسه بشكل يومي...الموضوع يا جماعه بيتكلم عن السعادة ...طبعا كلمة حروفها واضحه لكن معناها مشوه لكتير اوووي مننا نظرا لاسباب كتير جدا هنستفيض فيها بعدين  ان شا ءالله ....لكن المهم انو عددلنا كم نقطه كدا مفروض انو بيقلك فيها روحلهم وبص فيهم وحس فيهم بحلاوة الدنيا  الي يمكن نسيت طعمها الجميييل من فترة ,,,,ممكن كتير منا يصدقه وممكن الاكتر مننا يقول كلام فارغ ..بس عامة هيا مواقف صغيرة بتطلع مشاعر رقيقه جواك ممكن تكون عوامل الزمن بتاعنا خلتها  تتنسى جوانا او  يتحط عليها كميات كبيرة من التراب ..بس هنحاول ننفض شوية منو .....عـــــــل  وعــــــــسى

يمكن أن نصادف السعادة لحظة...وربما فجاة ....لكن علينا أن  نبحث عنها بين أشيائنا أو من خلال تفاصيل يومنا ..وسنعثر عليها ...ربما تكون قريبة ولا نعرف أين نجدها ؟ أو تكون بعيدة فنتكاسل أن نلحقها.السعادة قد تختبئ  في ثنايا الأمور التالية :- فكروا فيها كويس

رؤية صديق قديـــم  باعدت بينكما الحياة وتجده صدفة وقد خطه الزمن بتعبه وأثقلت عليه العائلة الجديدة بحملها ,تراه فلا ترى إلا ذلك الصديق المدرسي وقد خف بريقه قليلا لكنه يدخل تلك البهجة والمسرة إلى قلبك ويمضي

التسلل إلى قاعة السينما المظلمة والباردة للتوحد بنفسك وبفيلم جميل يسحبك لساعتين بعيدا عن قلق اليوم وتعبه وأرق الأشياء

أن تحقق لشخص أمنية صغيرة كانت تكدر خاطره ولا تكلفك الكثير تستطيع بأشياء زائدة عنك أن تشتري البهجة وتزفها للاخرين فتجد السعادة بثمن بخس لكنها قد تلون يومك بأكمله

أن ترى مشاغبة من طفل صغير لايعرف شيئا في هذه الدنيا غير أن يعبث بالبراءة والطهر وتلك الضحكة الصادقة فيمرر البهجة إلى قلبك فجأة ذلك القلب المثقل بأعباء الحياة والعمر الهارب إلى الأمام

أن تصلك رسالة حروفها معطرة وملونة من شخص لا تعرفه غير أن الحب والود والمحبة جمعتكما في تقاطع طريق إنساني نبيل

أن تزور مدينة لا تعرفها ولم تخطط لها  لكن دعوة تتلقاها فجاة لتضع جزء من البهجة والحبور في طريقك فلا تملك إلا أن تقول نعممممم لتلك المصادفة

أن تجد في خزانتك وبين أشيائك الكثيرة شيئا اشتريته من زمن..ونسيته أو أنستك إياه الأيام فتغدو حينها كطفل فرح بهدية جاءته من بعيد

ان ترى الدف ء الحقيقي في البيوتوالضحكة الصادقة في العمل والألفة في الناس وتلك البراحة والسعة في المساحة التي تضم الجميع ويتعارك عليها الجميع

ان ترى  مساحات من الخضرة والزرع والنخيل تكثر في المدن التي تحبها وتطغى على الحجر والإسمنت وتلك الألوان الرمادية والمحايدة

ان تذهب إلى نومك فلا تتعب في استدعاء تلك النسمة الباردة ولا تلك الغفوة الغائبة ..تنام بسم الله ..فتتقافز على وسادتك أحلام كثيرة ...جميلة

 خطوة جريــئة أن تصفح عن مسئ لك 

وخطوة أجرأ أن يتعمد الإساءة إليك مرة أخرى

************

خطوة جريـــئة أن تودع غاليا 

وخطوة أجرأ أن تنتظر معه حتى لحظة المغادرة 

*************

خطوة جريــــئة أن تقول كلمة الحق

وخطوة أجرأ ان تكون أمام من هو أقوى منك

*************

خطوة جريـــــئة أن تقدم المعونة لغيرك

وخطوة اجرأ ان تكون في أمس الحاجه إليها

*************

خطوة جريــــئة أن تحتمل

وخطوة أجرأ حين لا يكون هناك مجال للاحتمال

*************

خطوة جريــــئة أن تبتسم  

وخطوة أجرأ حين تكون في قمة الضيق

*************

خطوة جريــــــئة أن تقول أحبك 

وخطوة أجرأ ان تقولها أمام شخص لا يبادلك إياها

**************

خطوة جريئة أن ترحل

وخطوة أجرأ ان تترك وراءك من ينتظر الرحيل معك

***************