TruSt nO 1's profileG.O.K spacePhotosBlogListsMore  |  Tools Help |
|
April 30 ياليل يااااااااااعيــنإيه يا ربي دا ..كل ما اشوفه عليه ومش غريبة إنو ياخد من تفكيري جزء لدرجة إني أكتب عنو وأحكي عليه.
أصل محدش بيفضل مكلكع علطوكل ما اشوفه الضحكة تبقى من الودن للودن وأحس إني فجأة بقيت تافهة وعبيطة ومفيش فاكرة حاجه من حياتي غير إني قضيت 20 سنة بسمع وأحفظ أغاني ههههههه
برنامج يا ليل يا عين هو الي بتكلم ل وخصوصا لما يبقى كلو أحلام في أحلام......أنا لا عمري هروحه ولا هبقى حد من المشتركين ...بس أبقى كدابة لو قلت إني متمناش ..دا انا كل أسبوع بتمنى وكل خميس وجمعه بحلم يا ترى هوا حلم بإيـــــــــه ؟؟؟
حلم بالمرح **** قاعده 3 ساعات بغني وأنط وبغيظ في الولاد.... وعصبوا الشباااااب عصبوا الشبااااب ههههه
حلم بالتسلية *** برنامج كلو مسابقات وترفيه بزيادة
حلم بالتفاهة ***** مفيش كلاكيع ولا قضايا بنناقشها ولا بطيخ
حلم بالأنوثة ***** نازلة من البيت على سنجة عشرة وأنا عامله بنت بجد متحررة من القيود ومن الحجاب ومحدش فاهمني غلط .أنا متأنــقــة عشان رايحة سهرة على التلفزيون ,إحساس مبقناش بنحسه احنا البنات في مصر أبدا عشان هيا بلد الرجاله بس
حلم بالضحك **** ضحكة صافيه من القلب ومكن تقلب بصوت عالي كمان براحتيييييي ..بقالي أد إيه مضحكتش بعبط ؟؟
حلم بالرقص ***** ياااااااه بقى مفيش أمتع من الرقص على ميدلي جميل يفجر طاقة ويخليني طايرة
وأحلى حاجه بقى أسمع اغاني قدييييييييمة بقالي قرن مسمعتهاش بس بحبها وانبسط اوي لما تشتغل وأردد معاها
يالهوي بقى لو كملت وكانت ضيفة الحلقة نجوى كرم باعتبار اننا في لبنان ودي أسهل حاجه أظن , مبقاش رحت لبنان وعلى أرضهم ومشفهاااش حراااااااااااااام
شفتوا ازاي بقى انهم احلى 3 ساعات بعيشهم في الاسبوع ويستحقو اقعدلهم ..اصل عمر مهتكون الدنيا علطول القاهرة اليوم والعاشرة مساء واخبار الجزيرة ومخ مخ مخ
حبــــــــة تهييس وحبة طيران وحبة ولا حـــاجــة يا جدعان
والله مطلوب سعات يبقى الي شاغلنا ولا حااااااااااااااااجــــــــة
الإمضاء : واحده مكلكعه معظم الوقت وزهقت Comments (2)
TrackbacksThe trackback URL for this entry is: http://00-z-a-z-o-00.spaces.live.com/blog/cns!15D7ED08E01BE950!180.trak Weblogs that reference this entry
|
|
|
